عليك كتير الكلام

عليك كتير الكلام, وقلبى ولا سامعله حس, مافيش غير كلمتين السلام, ويادوب بحبك وبس

صدقنى صعب اشوفك, واقدر معاك اتكلم, بستنى اسمع صوتك, وامنع نفسى واتحمل

بخاف اعصابى تفلت منى, بخاف وخايف منك تحرمنى, من كتر شوقى ليك حبيبى, خايف لا تفوتنى لحظة وتظلمنى

نارك حبيبى زى الموج, والوصف عليك مايجوزش, لا حاميني منك سباحة ولا طوق, وكلمة حبيبى منك, لأ, أنا ماأطولش

بيقولوا عليا شاعر, وعليكى الوضع اسهل, فاكرنى الهٌبل ساحر, مايعرفوش انى قدامك أهبل

لا وصف الاميرات ينفعك, ولحن المزيكا يخرس ويسمعك, وعيونى حبيبى شيلاك, وفى السما بجفونها ترفعك

لا عارف اصحى ولا افوق, ولا مزاجى من دلعك يعرف يروق, ولما عينى تتحرج منك, انسى حبيبى, انها تتجرأ وتبصلك فوق

فتحت كتب الشعر, ولأجمل القصايد اخترت, لقيت ولا كلمة تجوزلك, مالقتش غير كلمة "احترت"

لا كلمة توصف جمالك, ولا جملة تحكيلى حالك, ولا شعر ولا نثر, قدر يغلب دلالك

تبقى كارثة لو مش عارفة, مين اللى بحاول اوصفه, يا خوفى لو فى مرايتك مش شايفة, مين اللى قاتلنى برقته

لا دنيا ولا عالم ولا حدود, ولا صبر سيدنا ايوب, يا اميرة قلبى, قلبك صدقينى.............................................................. ملك مالك كل القلوب