خليك عنى بعيد..مرتاح عايش سعيد..حابب واحد باعك وناسى واحد شاريك
خليك هناك وسامع..صوتى بيندهلك..وعيش وحدك ممانع لقلبى يسمعلك
عيش لوحدك.....داوى جرحك....نستنى وانا......جوايا فرحك
خليك وحيد.......عايش بعيد.....تتمنى قربى......وألمك يزيد
زمان انا كنت فاكرك ملاك وليه جناحين..ضميتك وقولت احبك..بعتنى وبعت السنين
نسيت لما زمان..قلبك جرح فيا..ولما قلت حرام..زودت الألم عليا؟
جالك قلب تأسى عليا..تسبنى لوحدك وتبكى عنيا
تبعد عنى يوم..وترفض اى لوم..وتنسى ان قلبى منك كان مظلوم
ولما أقول بحبك..تبد تحكيلى كدبك..وترسم عليا لؤمك..وتقولى قال ايه بحبك
جالك قلب..
قالت حبتنى بقلبها..وأتاريه ماكنش ملكها..وكنت انا المداوى..وقت ما بان جرحها
اصل كده الدنيا..فرحة فى عين تمر فى ثانية..ودمعة حزينة فى العين التانية
جالك قلب..
وفى النهاية ظهرت حقيقتك..انسان خداع وانا كرهتك
يمكن كتير عليك انسان..لان القلب محتاجله كيان
وانت مالكش قلب..انسى انك تحب
يمكن تعيش سعيد..لكن جواك وحيد..لأنك ظالم اكيد
وجالك قلب.......تسبنى احب.........فى وهم وكدب
يا ترى وانت بتسمعنى..عرفت مين بيخدعنى..ولا نسيت مين ودعنى
يا ترى وانت بتسمعنى..عرفت مين ظلمنى..مين بعد ومين كسرنى
انتهت خيانتك بكلمة سامحنى..انتهت وعمر قلبى ما هيسمحلى..انى عشانك ارجع وأسامح..وأقبل منك كلمة سامحنى...
خيانتك كانت منك ليك..قلب انجرح عشان يرضيك..قلبى عليك ينسى ويأسى..وروحى أسيرة فى حضن عنيك
خيانتك كانت عشان هواك..ضيعت مكانك يوم لؤاك..هديت حياتى قدام عنيا..هديتها وكنت فكرك ملاك
ضحيت عشانك بكل حاجة كانت ليا..نسيت وكان قدامك.. كل قديم فى
لياليا..لا عمرى قلت عليك خاين..ولا عمرى حكيت عن جرحك فيا
وراجع ليا تقول سامحنى..كدبة جميلة فى وهم جرحنى..ضحكة بريئة على قلبى بتدبحنى...
حاولت أضمك فى حضنى من غير ما تكون نهاية....حاولت أقولك يا عمرى..عمرى فى حبك مش كفاية...لا هنسى يوم فى حبك جمعنا..ولا هنسى ظلمك من البداية
وراجع ليا تقول سامحنى..كدبة جميلة فى وهم جرحنى..ضحكة بريئة على قلبى بتدبحنى...
راحت مش هسأل مالك..لا ايه اللى جرى ولا غير حالك..خاين بالرخص باع وخنى..وسبنى غريق فى وهم جمالك
طبعآ عارف لما الشوق بيتحكم..طبعآ عارف وعارف ان حبيبى بيتألم..طبعآ عارف.. وعرفت لما منى اتمكن
عرفت ساعتها ان الالم مش مجرد كلمة بتتقال..عرفت ان الوجع مش حكاية دوا وحكيم وموال..عرفت..وياريتها سامعه الكلام
الشوق لما بيتحكم يا حبيبى..يعنى هواكِ يروح لبعيد..لا هو طايل يكون سيد.. ولا طايل يكون واحد من العبيد
الشوق لما بيتحكم..يعنى الألم يكون عنوانك..السحر والخيال أمراء وجدانك..ولما تفكر انك تسرح..تبقى بتهزر لأنك مش سُلطانه
الشوق يا حبيبى هو السلطان..ملك سارق كل الاحضان..حضنى وحضنك يا حبيبى..وحضن كل انسان
صدقنى عارف يعنى ايه..صدقنى عايش فى ظلام لياليه..لكن وحياتك عندى..لأحكيلك على اللى انا فيه
انت ظالمنى..وناسى انك منى..وناسى انك زمان..كنت بتاخد زى ما بتدى
يمكن اكون غلطان..تايه سارقانى الدنيا والايام..لكن عارف ومتأكد..انك منى لسه زعلان
وطبعآ عارف إحنا لبعض..لا هيفرق ما بينا سما ولا تبعد ما بينا ارض..لأن الشوق لما بيتحكم..لا بيفرق معاه سلطان ولا يفرق معاه عبد
وانا يا حبيبى عشانك مستنى..لا هرتاح ولا هيرتاح معايا قلبى..عشانك اتعذب وأتألم..واعيش وانت جانبى
ومسيير الأحضان تتلاقى..ونتجمع احنا التلاتة..انا وانتى والشوق..وعيالنا ورانا تاتا تاتا
مسيير الشوق يقرب ما بينا..مسيير الليالى تنور فى عيونا..مسيرها يا حبيبى والشوق.. يكون نصيبنا
ونصيبك حبيبى صدقينى معايا..مشتاق عشانك وقاتلنى هوايا..يا عيونى انتى جمالك..يشق القلب الحجر وتغيير منه الصبايا
جمال الكلام سحر القوام..ودلال العيون والقلب الحنون..اوعى تستغربى..انا مش مجنون
ماكنتش عايز قلبى يتكلم..لكن ماقدرتش..عارفة ليه؟
عشان لما الشوق بيتحكم...والقلب منه ليه يستسلم..انده بعلو صوتى وأقولك..سامحينى حبيبى واسمحيلى أتظلم!
أتظلم منك ليكى..واشتاق واحب على اديكى..وابوسها ولا اخجل منك..ما انا مابشوفش فى الدنيا............ الا عنيكى
وطبعآ عارف.........!
كان ليلة انتظار النتيجة, كأنك قاعد مستنى مصيبة, وساعة ما الخبر المنتظر وصل, ولا كأن اللى وصل عيبة
حضن الاب ابنه, وقاله يا ابنى ماتقلقش, قرب وقاله فى ودنه, نام بدرى وماتسهرش
صحى الواد ابو خمسين فى المية, يلاقى نفسه هوبا فى الداخلية, بدلة نضيفة عليها القيمة, وامه تقوله مش مصدقة عنيا
مكتب وشغل وحركات, وكلام فاضى واشتغلات, وطبنجة ماشى بيها, ولا كبير البهوات
طيب وبعدين يعمل ايه الولد؟, قالوله هتحارب اعداء البلد, الناس اللى بترمى علينا الطوب والزلط
فرح الواد ونزل يحارب, عالناصية وقف مستنى العدو, مواصفاته سهلة دقن وشارب, وشكل العملية هتكبر وتحلو
وعدى عليه أول زبون, راجل يا عينى ماشى فى حاله, قاله تعالى يا اب المتاكة, من غير ما نضيف حرف النون
أمر عساكر الشطرنج عشان يشدوه, وعالقسم المحترم خدوه وقلعوه, وبعصاية ولا بكرباج, عالمؤخرة و يروقوه
وفى ظل التكنولوجيا, قالك نستخدمها بضمير, احنا ناس فاضيا, والزبون شكله فقير
تعالى نصوره واحنا بنروقه, وعلى صحابه وحبايبه, نوريهم واحنا بنهزأه
وبعد ما انتهت الليلة, روح يا عينى الظابط, شايل هموم كتيرة, شايل هم أعداءه بجانب البطيخة الكبيرة!
ربنا يباركلكم فينا, يا خير من جابت أراضينا, مين غيركم ياخدنا فى حضنه, مين غيركم فى المؤخرة هيدينا؟!
احنا المحبوطين, عايشين متبهدلين, شايفين الدنيا كحل, شايفين الدنيا طين
احنا معَلمين, يعنى كبار الحتة, على النواصى ملأحين, من واحدة الصبح للساعة 6
احنا بتوع النت, واكلين دماغ البت, عايشين فى دنيا تانية, يلا صباح الزفت
بالليل بنتصبح, والدنيا بتحلو, والصبح بنترنح, صباح التلالو
بنشوف بعض عالمسنجر, وعايشينها اون لاين, نتفرج على كارتون ماسنجر, وحالنا "فاين فاين"
المستقبل يعنى احنا, الدنيا بتتعطر من ريحنا, واليابااااان, قريب هتبقى فى ريحنا
فى ريحنا يعنى حادانا, الدنيا كلها مش سيعانا, مافيناش واحد طخين, لكن افكارنا مبواظانا
عندنا الناس مقامات, واحد فينا جنرال, وواحد "خد وهات", تقدر علينا تقول, كلــــــــــنا بهوات
بلد اسمها فلسطين..موجود على أرضها ناس مسلمين..جوا قلوبهم بتعيش.. ولفرج ربنا مستنيين..
وهيفرجها بإذن الله.. لأنه قادر وعليها إله..وعمره ما هيسيبها تضيع.. من أدين عباد الله
اسمها فلسطين..
جنة ونور وحب ودين..حلم فى وسطه كلنا عايشين..كلمة فى قلوبنا وبيها صابريين...
لا يوم يفوت نسيب حقنا..لا حلم يموت مادام فى قلبنا..وملا مغتصب معادى..هيمس أرضنا...
اسمها فلسطين...
بيقولوا فيها ناس بتموت..فاكرين هيقدروا يخرسوا الصوت..ناسيين ان فى القلب ايمان..ناسيين البلد اللى عشانها نموت..
ويعدوا قدامنا واحد واحد..أخ وقريب وأب وصاحب..يبعدوا ويطيروا لفوق..راجعين للإله الواحد
واحنا سعدا عشانهم..بنتمنى نكون مكانهم..والدمع يكون فى عنينا..ونقول يا رب إرحمهم...
وهنفضل لفرجك مستنين يا رب..نترجاك وناديك ونقولها من القلب..
يا أرحم الراحمين..يا ملك يا قيوم يا حليم..إرحمنا برحمتك..وانصرنا على القوم الظالمين
قال ايه بيقولوا عفاريت...أرواح عشانك تتحضر.. أشخاص عماله فى ناس بتخدر..والناس فكراها حواديت
وتصدق الناس الكلام..أشخاص وهى صاحية.. قال ايه بتشوف أحلام..ومن كتر ضعف الواحد....يقولوا أدفع كام؟؟!!!
وهما برده معذروين..عايشين فى الهم بقالهم سنين..عايزين أى حل..خيالى كان أو يقين
يقوم يروح للدجال..حرف فى كلمة يكونله سؤال..ويستنى الحل وهو سامع..كلام مش مفهوم عمال يتقال
يا ناس حرام عليكوا..ياناس من الوهم فوقوا..لا روح بجد بتتحضر..ولا عفريت ممكن يأذيكوا
عايش بتمنى سماح..بتمنى يعود اللى راح..بفكر نفسى فى يوم غلطت..وكان بأيدى أعيش مرتاح
كانت جمبى بقلبها..أسمعه يدق فى حضنها..واتمنى اكون مكانه..ويدق قلبى بإسمها
كانت معايا..ما بين ايديا..قلبى يحبها وتحب فيا..احب قلبها وخوفها عليا
ولمــــــــــا بدأت عنيا تشوف حقيقة قلب عمره ما حب..ولما فى قلبى كبر الخوف..عرفت ان اللى جوه مش اسمه قلب
أتاريها كدبة كبيرة..وهمتنى انى غلطان..ظهرت قدامى اسيرة..وأتاريها هى السجان
ولما بعينى شوفت..ولما خلاص عرفت..بأنى مش غلطان..جيـــــــــــت برده وأتأسفت!!!!
مالك يا قلبى…
عايز تانى تحب..نفسك تعيش مخدوع..تشوف بعنيك الكدب..وتقول عليها دموع
وجالك قلب تقولها..قدرت تقول وتعيدها..تشوف الحزن ملينى..وتحب تانى وجودها
مالك يا قلبى..
عايش انت جوا الروح..عايش حابب تكون مجروح..معايا وجمبى تتظلم..ودقاتك ليها تروح
انت هناك عايش اسير..حابس نفسك فى سجن كبير..ناسى انك عالأرض عايش..وعايز معاها تروح وتطير..
عليك كتير الكلام, وقلبى ولا سامعله حس, مافيش غير كلمتين السلام, ويادوب بحبك وبس
صدقنى صعب اشوفك, واقدر معاك اتكلم, بستنى اسمع صوتك, وامنع نفسى واتحمل
بخاف اعصابى تفلت منى, بخاف وخايف منك تحرمنى, من كتر شوقى ليك حبيبى, خايف لا تفوتنى لحظة وتظلمنى
نارك حبيبى زى الموج, والوصف عليك مايجوزش, لا حاميني منك سباحة ولا طوق, وكلمة حبيبى منك, لأ, أنا ماأطولش
بيقولوا عليا شاعر, وعليكى الوضع اسهل, فاكرنى الهٌبل ساحر, مايعرفوش انى قدامك أهبل
لا وصف الاميرات ينفعك, ولحن المزيكا يخرس ويسمعك, وعيونى حبيبى شيلاك, وفى السما بجفونها ترفعك
لا عارف اصحى ولا افوق, ولا مزاجى من دلعك يعرف يروق, ولما عينى تتحرج منك, انسى حبيبى, انها تتجرأ وتبصلك فوق
فتحت كتب الشعر, ولأجمل القصايد اخترت, لقيت ولا كلمة تجوزلك, مالقتش غير كلمة "احترت"
لا كلمة توصف جمالك, ولا جملة تحكيلى حالك, ولا شعر ولا نثر, قدر يغلب دلالك
تبقى كارثة لو مش عارفة, مين اللى بحاول اوصفه, يا خوفى لو فى مرايتك مش شايفة, مين اللى قاتلنى برقته
سلملى بقى عليها وقولها, تسلملى هى على اللى فى حضنها, ويوم مع تقولك بحبك, حط فى بالك انه مش قصدها:]
ولما توحشها, يعنى بعادك وجعها, وشبح الماضى مش قادر يمنعها, وصورتك وصورتها قصادى, ماحدش غيري هيقطعها
تعرف انى كنت عارف, واخد بالى وعامل مش شايف, ساكت عليك وعليها, يمكن وقتها كنت خايف
عايزين يعرفوا انا مين, نفسهم يشوفوا اللى جوايا
عمرى معاهم بقالوا سنين, ولا عمرى حسيت ان هما معايا
انت يا"...." وقفت معاك زمان, فاكر ولا نسيت, طيب اشاورلك على المكان؟
وانت يا"...." فاكر لما عليا قولت إنى, ومافيش فايدة منى, ولما جيت وواجهتك, عملت عبيط.. وقال ايه بتسألنى!!
مين فينا اللى قال عالتالنى, مين فينا اللى كان أنانى, أنا ولا انت ولا هما, شكلك فاكرنى واحد تانى!
طيب ايه ممكن يفكركوا؟, الفرح اللى عشته معاكوا؟, ولا الكيف اللى هد أفكاركوا
الحكاية مش حكايتى معاك ولا معاه, الحكاية ان الكل شايفنى على هواه, ممكن مصلحة, ووممكن عايز اى حد واياه
ودلوقتى بتسألوا مين أنا؟ انا اللى قاعد معاكوا بقالى اكتر من سنة, انا اللى ماشوفتش فى حياتى يوم هنا, ومع ذلك, ماحدش بيقف معاكوا غيرى أنا
انت يا سيدى, مش شايفنى, أنا أهو اللى مادد ايدى
مدتها ليك ولغيرك, ولا يوم سمعت حد قالى, روح"كتر خيرك"
بتقولى مهموم والدنيا عليك بتأسى, وانا قاعد سامع ولا عمرى ما فى يوم بنسى, فاكر كل كلمة بتقولها, فاكر وانت يا عينى بتشقى
فاكرنى مثلآ غيركوا, مش عايش فى الدنيا معاكوا؟, ده انا حتى جاركوا, وهوايا هو هواكوا
وبعد كل الكلام اللى اتقال:
